我伲生活勒一个世故嗰快时代

上海言话讲述：涌泉我伲生活勒一个世故嗰快时代

作者：铁凝

沪语改写：李海榮

朗读：涌泉

三十年前，听朋友讲起伊嗰农民老父亲。搿位老父亲一生赶牛车、赶马车，呒没坐过汽车、火车。后来，勒城市读完大学又找到工作嗰伲子决意请父亲坐一次火车，并告诉父亲要坐快车。父亲搿才晓得，原来火车还分快慢，就问伲子快车票便宜还是慢车票便宜。伲子答，当然是慢车票便宜。父亲惊奇嗰讲，坐慢车嗰辰光长，哪恁反倒便宜？搿个辰光我伲一边听朋友讲，一边笑，笑搿个老父亲嗰天真。

三年前勒拉新加坡，读到一则关于跑步嗰故事。一个青年脱一个老人清晨勒拉公园跑步。青年矫健活泼，老人瘦弱迟缓。本来跑勒老人后面嗰青年，老快就冲到了老人嗰前边。伊优越感十足嗰回头叹道：“咳，?搿些老人啊，到底是跑弗快了啊。”老人并弗生气，边跑边对超过伊嗰青年讲：“年轻人，侬嗰前边是啥呀？”青年讲：“是路啊。”老人又问：“路嗰前边呢？”青年讲：“还有一座桥。”老人讲：“桥嗰前边呢？”青年讲：“是一片树林。”老人问：“树林嗰前边呢？”青年讲：“也许是山吧。”老人问：“山嗰前边呢？”青年讲：“我看弗见，恐怕就是生命嗰尽头了吧？”老人讲：“葛末侬跑迭能快做啥呢？”我心里一惊，感受到一种苍凉嗰智慧。

三个多号头前，我走进江南山中嗰一片竹海，请山民教我认新竹老竹。要晓得，世间植物唯有竹子长得最快。据说，一个小学生放学回家，将书包挂勒一棵竹子浪，坐勒竹林里写作业，写完作业就够弗着书包了。真是俏皮！我仿佛看见一棵挎着书包嗰新竹正蹿入云霄去天堂上学。

今朝，我伲生活勒一个世故嗰快时代。我忽然想起朋友嗰农民老父亲。当年轻嗰我伲笑伊天真嗰辰光，哪恁晓得伊早就洞悉了慢嗰昂贵，就像公园里搿位慢跑嗰老人。但当我想到搿个跑步嗰故事，却也弗打算责怪搿位心怀优越感嗰青年。假使青春是用来挥霍嗰，伊的确拥有快跑嗰资本。

连快跑都弗敢嗰青年，岂弗是枉费了青春？于是我嗰眼前弗断闪现出搿棵挎勒书包嗰翠绿新竹。伊嗰速度令我恐惧，可伊挎勒书包嗰样子又让我开怀大笑：挎着书包嗰竹子毕竟弗迭恁老谋深算，伊是去上学吧，是去做人生嗰学徒吧。

去做人生嗰学徒，搿又让我想起老早以前看过嗰卓别林主演嗰一部电影——《舞台生涯》，卓别林扮演一位名叫卡维罗嗰喜剧演员。我记牢了搿部电影里嗰一句话：当卡维罗历尽艰辛终于以伊精湛嗰技艺博得观众狂热嗰喝彩嗰辰光，女友激动嗰对伊讲，伊嗰表演使同台嗰搿些演员都成了票友。对此，卡维罗严肃嗰答道：“弗，也许我伲侪还是票友，要勒艺术上真正有点造诣，人生是太短暂了。”

卡维罗嗰谦逊脱“上学”嗰竹子让我感到艺术嗰艰辛脱生命嗰局促。我写作，与其讲是为了要告诉读者啥个，弗如讲是勒拉向文学讨生命。艺术脱写作恰可以盈满我伲嗰精神，放慢我伲生命嗰脚步。

勒拉浩瀚嗰宇宙之中，假使人生似一棵绿竹，以我搿并弗年轻嗰生命，仍愿做背着书包嗰搿一棵，急切努力，去做人生嗰学徒。

朗读者方言是文化的活化石。每种语言都能表达出使用者所在民族的世界观、思维方式、社会特性以及文化、历史等，都是人类珍贵的无形遗产。当一种语言消失后，与之对应的整个文明也会消失。保护汉语方言，有利于人类文明的传承与发展和社会安定。在上海，爱上海，讲上海言话。

“言话”基本解释：说话，谈话。南朝宋·刘义庆《世说新语·赏誉》“天锡见其风神清令，言话如流。”宋·苏轼《归去来集字》诗之三“言话审无倦，心怀良独安。”此与今日上海话中“言话”的用法是一致的。

“闲话”基本解释：指闲谈；背后议论他人是非的话；不满意的话，有关私人的谣言、传闻、幕后消息等。见陆游《雪意》诗：“闲话更端茶灶熟。”

图：网络

编辑：渺渺

预览时标签不可点收录于话题#个上一篇下一篇